Семинари омӯзишӣ оид ба бехатарии сайёҳон

Шуъбаи рушди сайёҳии мақомоти иҷроияи ҳокимияти давлатии вилояти Хатлон дар якҷояги бо шуъбаи Кумитаи ҳолатҳои фавқулода ва мудофиаи граждании вилояти Хатлон дар шаҳри Кӯлоб санаи 16 январи соли 2020 семинари омӯзишӣ оид ба бехатарии сайёҳон дар ҳудуди вилоят  бахшида ба эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” баргузор намуданд. Дар семинар намояндагони ширкатҳои сайёҳӣ ва масъулони сайёҳии сайёҳии шаҳру ноияҳо ширкат варзиданд. Он дар ду бахш сурат гирифт: назариявӣ ва амалӣ.

Дар бахши назариявӣ намояндагони шуъбаи Кумитаи ҳолатҳои фавқулода ва мудофиаи граждании вилояти Хатлон ҷҳати бехатарии сайёҳон наворҳо омода намуда пешкаши иштирокчиён намуданд.

Дар бахши назариявӣ намояндагони шуъбаи Кумитаи ҳолатҳои фавқулода ва мудофиаи граждании вилояти Хатлон ҷҳати бехатарии сайёҳон наворҳо омода намуда пешкаши иштирокчиён намуданд. Сардори шуъбаи Кумитаи ҳолатҳои фавқулода ва мудофиаи граждании вилояти Хатлон бо иштирокчиён суҳбати озод намуда иброз доштанд, ки тамоми ширкатҳо метавонанд бо онҳо ҳамкори намоянд ва дар ҳама ҳолатҳо онҳо омодаанд ба ниёзмандон кумаки хешро расонанд ва инчунин дар рафти семинар бо намояндагони ширкатҳои сайёҳӣ ва масъулони сайёҳии шаҳру ноҳияҳо суолу љавобҳо доир ба бехатарии сайёҳон ва пешгирии ҳолатҳои фавқулода гузаронида шуд ва ба иштирокчиён тавсияҳо дода шуд, ки љиҳати бехатарии сайёҳон ташрифи ҳар як меҳмони хориҷиро ба онҳо иттилоъ диҳанд, то ки онҳо дар ҳамагуна ҳолатҳо дар ҳоли омодабош қарор дошта бошанд.

Дар бахши амалӣ аз тарафи масъулин ба иштирокчиён дар бораи ҳар як таҷҳизоте, ки ба намоиш гузошта шуда буд, маълумоти зарури дода шуд.

Дар охир масъулини соҳа тасмим гирифтанд, ки дар оянда гузаронидани чунин чорабиниҳоро зиёд намуда баҳри рушди соҳа аз тамоми имкониятҳои мавҷуда васеъ истифода баранд.