ХОҶАГИИ ДЕҲҚОНИИ МОҲИПАРВАРИИ “НАИМҶОН-2012” ДАР ДЕҲАИ МЕҲРГОНИ ДЕҲОТИ БА НОМИ ХУДОЙНАЗАР ХОЛМАТОВИ НОҲИЯИ ШАҲРИТУСИ ВИЛОЯТИ ХАТЛОН

Хоҷагӣ дорои 12 гектар замин буда, аз ҷониби масъулон ба парвариши моҳӣ ва истеҳсоли гӯшти парҳезӣ диққати махсус зоҳир карда мешавад. Дар 5 гектар замин ҳавзи моҳипарварӣ ташкил карда шуда, дар он навъҳои гуногуни моҳӣ нигоҳубин карда мешавад. Айни замон барои рушди соҳа, зиёд намудани навъҳои моҳӣ ва ба ин васила бештар намудани ҳаҷми истеҳсоли он дар хоҷагӣ 4 ҳавзи махсус амал мекунад.
Ҳоло дар хоҷагии номбурда асосан 4 намуди моҳӣ парвариш меёбад.
Танҳо дар ноҳияи Шаҳритуси вилояти Хатлон 9 хоҷагии моҳипарварӣ амал мекунад, ки дар 9 моҳи соли равон 72 тонна моҳӣ истеҳсол шудааст ва ин назар ба ҳамин давраи соли 2022 зиёд аст.