БАРРАСИИ ИМКОНИЯТҲОИ САЙЁҲӢ ДАР ФОРУМИ БАЙНАЛМИЛАЛИИ ИҚТИСОДИИ «КӮЛОБ-2022»

Бо мақсади муаррифии зарфиятҳои сайёҳии кишвар дар арсаи байналмилалӣ дар ҳошияи баргузории Форуми байналмилалии иқтисодии «Кӯлоб-2022», ки ҳадафаш ҷалби сармоя ба рушди соҳаҳои иқтисодию иҷтимоии вилояти Хатлон, тарғиби имконияти сармоягузории ин минтақа ба сармоягузорони ватанӣ ва хориҷӣ мебошад, дар панели алоҳида масъалаҳои имкониятҳои рушди соҳибкорӣ дар бахши сайёҳӣ ва ҷалби сармоя ба инфрасохтори соҳа баррасӣ гардид.
Дар кори ҳамоиш роҳбарияти Кумитаи рушди сайёҳӣ, Мақомоти иҷроияи ҳокимияти давлатии вилояти Хатлон, ассотсиатсияҳо, ширкатҳои сайёҳӣ, меҳмонхонаҳо, осоишгоҳҳо ва созмону ташкилотҳои миллию байналмилалӣ иштирок доштанд.